ඔබ දැන සිටියා ද? IOT ඔබේ නිවස ආක්‍රමණය කරමින් තිබෙන බව.
10 Oct 2023
Internet of Things (IoT) කියන්නේ අන්තර්ජාලය හරහා දත්ත හුවමාරු කරන වස්තු (Objects) සහ පද්ධති (Systems) එකිනෙක සමඟ සම්බන්ධ වී ඇති විශාල ජාලයක්. ගෘහ උපකරණවල සිට කාර්මික මෙවලම් දක්වා සෑම තැනක ම මේවා සොයා ගන්න පුළුවන්. දැනටමත් අපේ නිවාස ඇතුළු සෑම තැනක් ම IoT විසින් ආක්‍රමණය කරමින් සිටිනවා කීවොත් බොරුවක් නෙවෙයි.
IoT විවිධ ආකාරවලින් අපට සහාය දක්වනවා:
- අපට ඕනෑම තැනක සිට ඕනෑම වේලාවක තොරතුරු ලබා ගන්න පුළුවන්.
- ඉලෙක්ට්‍රොනික උපාංග වඩාත් ඵලදායී ව සම්බන්ධ (Connect) කරන්න පුළුවන්.
- සම්බන්ධිත ජාලයක් හරහා Data Packets මාරු කිරීමෙන් අපට කාලය සහ මුදල් ඉතිරි ගන්න පුළුවන්.
- කාර්යයන් ස්වයංක්‍රීය (Automate) කරන්න සහ මිනිස් මැදිහත් වීමේ අවශ්‍යතාවය අඩු කරන්න පුළුවන්.
සමස්තයක් වශයෙන් කාලයත් සමඟ දියුණු වන ලෝකයේ මිනිසාගේ එදිනෙදා වැඩ පහසු කිරීමට Internet of Things ඉතා වැදගත් වෙනවා. එමඟින් සංකීර්ණ අභියෝගවලට නව්‍ය විසඳුම් සොයමින්, වඩාත් අන්තර් සම්බන්ධිත අනාගතයක් ගොඩනැඟීමට මඟ පාදන බව නොරහසක්.